സൗഹാർദ്ധത്തിന്റെ വേറിട്ട മാതൃക: കോക്കൂർ മുസ്ലിം പള്ളിക്കമ്മിറ്റി 50 ഹിന്ദു കുടുംബങ്ങൾക്ക് ഓണപ്പുടവകൾ സമ്മാനിച്ചു.
ഓണപ്പുടവ വിതരണം ചെയ്തു കൊണ്ട് ഒരു മുസ്ലിം പള്ളിക്കമ്മിറ്റി സൗഹൃദത്തിന്റെ ഉദാത്ത മാതൃക സൃഷ്ടിച്ചു.മലപ്പുറം ജില്ലയിലെ കോക്കൂർ സി എച്ച് നഗർ ഹുദാ മസ്ജിദ് കമ്മിറ്റി ഭാരവാഹികളും കെ എൻ എമ്മും സംയുക്തമായാണു പ്രദേശത്തെ ഹിന്ദു കുടുംബങ്ങൾക്ക് ഈ വർഷത്തെ ഓണപ്പുടവ നൽകിയത്.
പ്രശസ്ത കവിയും സാഹിത്യകാരനുമായ ആലംകോട് ലീലാകൃഷ്ണൻ വിതരണോദ്ഘാടനം നിർവ്വഹിച്ചു.
മതവും ജാതിയും പറഞ്ഞ് മനുഷ്യർക്കിടയിൽ കലാപമുണ്ടാക്കുന്ന കാലത്ത് പ്രതീക്ഷയുടെ വെളിച്ചം അസ്തമിച്ചിട്ടില്ല എന്ന് വിളിച്ചറിയിക്കുന്നതാണ് ഈ മഹദ് സംരംഭമെന്നും, അവരവരുടെ മത വ്യക്തിത്വം കാത്തു സൂക്ഷിച്ചു കൊണ്ടു തന്നെ ഇത്തരം മൈത്രി ബന്ധങ്ങളാകാമെന്നും അദ്ദേഹം പറഞ്ഞു.
അമ്പത് ഹിന്ദു കുടുംബങ്ങൾക്കാണ് കമ്മിറ്റി പുതുവസ്ത്രങ്ങൾ വിതരണം ചെയ്തത്.
മുജീബ് കോക്കൂർ അദ്ധ്യക്ഷത വഹ്ച്ചു പി പി എം അഷ്റഫ്, എം കെ അൻവർ, റഫീക് മാനംകണ്ടത്ത്, പി എം നൂറുദ്ധീൻ, പി വി നിയാസ്, സി ഐ നജീർ അഹ്മദ് പ്രസംഗിച്ചു.