സാമൂഹികം

നബി വചനങ്ങള്‍

പരിസ്ഥിതി

1. റസൂല്‍ പ്രസ്താവിച്ചതായി അനസ് എന്ന അനുചരന്‍ പറയുന്നു. 'ഒരു മുസ്‌ലിം ചെടി നടുകയോ കൃഷിയിറക്കുകയോ ചെയ്യുക. അങ്ങനെ ഏതെങ്കിലും പക്ഷിയോ മനുഷ്യനോ മൃഗമോ അതില്‍നിന്ന് ഭക്ഷിക്കുക. എങ്കില്‍ അതത്രയും അയാളുടെ ദാനമായി പരിഗണിക്കപ്പെടും.''

     (സ്വഹീഹു മുസ്‌ലിം)

2. തിരുനബി അരുളി: ' ആരെങ്കിലും ഒരു ചെറുകിളിയെ വെറുതെ കൊന്നാല്‍ അത് അന്ത്യനാളില്‍ ഇങ്ങനെ പരാതിപ്പെടും. 'എന്റെ രക്ഷിതാവേ, ഇയാള്‍ എന്നെവെറുതെ കൊന്നു. ഒരു പ്രയോജനവുമില്ലാതെയാണ് അയാള്‍ എന്നെ കൊന്നത്. ഒരു പൈങ്കിളിയെയോ അതിനേക്കാള്‍ വലുതിനേയോ ഒരു മുസ്‌ലിം അന്യായമായി കൊന്നാല്‍ അല്ലാഹു അയാളോട് അതേപറ്റി ചോദിക്കും. അപ്പോള്‍ ഒരാള്‍ ചോദിച്ചു.'അല്ലാഹുവിന്റെ ദൂതരേ, കൊല്ലുതിന്റെ ന്യായമെന്തായിരിക്കും?' നബി പറഞ്ഞു.'അറുത്തുതിന്നുക. (തിന്നാന്‍ വേണ്ടിയായിരിക്കണം അറുക്കുന്നത്.) തലയറുത്ത് എറിയാനായിരിക്കരുത്.''

3.ഒരിക്കല്‍ ആടിനെ അറുത്ത് തന്നെ സല്‍ക്കരിക്കാന്‍ തയ്യാറായ അനുചരനോട് തിരുനബി അരുളി.' കറവുള്ളതിനെ അറുക്കാതെ നോക്കണം.''

4. നബി അരുളി .'ഒരാള്‍ ഒരു മരം നട്ടു. കായ്ക്കുന്നതുവരെ അതിനെ ക്ഷമാപൂര്‍വം സംരക്ഷിച്ചു. എങ്കില്‍ അതിന്റെ ഫലം ലഭിക്കുന്ന എല്ലാ വസ്തുക്കളുടെയും പേരില്‍ അയാള്‍ക്ക് അല്ലാഹുവിങ്കല്‍ പുണ്യമുണ്ടായിര്ക്കും., തീര്‍ച്ച.''

5. നബി പറഞ്ഞതായി അനുചരന്‍ അനസ് ഉദ്ധരിക്കുന്നു.'നടാനായി ഒരു തൈ നിങ്ങളുടെ കൈവശം ഇരിക്കുമ്പോഴാണ് ലോകം അവസാനിക്കുതെങ്കില്‍ നിങ്ങള്‍ അത് നട്ടുതീരുന്നതിനുമുമ്പ് ലോകം അവസാനിച്ചില്ലെങ്കില്‍ അയാള്‍ അത് നടട്ടെ.''

(മുസ്‌നദ്, സ്വഹീഹുല്‍ ബുഖാരി എന്നീ ഹദീസ് ഗ്രന്ഥങ്ങളില്‍ രേഖപ്പെടുത്തിയ നബിവചനം.)

6. നബി അരുളി: 'ചത്ത (തരിശായ) ഭൂമിയെ ജീവിപ്പിക്കുന്നത് (കൃഷിയോഗ്യമാക്കുന്നത്) ആരോ, ആ ഭൂമി അയാള്‍ക്കുള്ളതാണ്.''

(അബൂദാവൂദ്, തിര്‍മിദി എന്നിവരുടെ ഹദീസ് ശേഖരത്തിലും മുസ്‌നദ് എന്ന ഹദീസ് ഗ്രന്ഥത്തിലും രേഖപ്പെടുത്തിയ നബിവചനം.)

 

സ്ത്രീ

1. തിരുനബി അരുളി: 'അംറില്‍നിന്ന് നിവേദനം:  ഹജ്ജത്തുല്‍ വിദാഇല്‍ പ്രവാചകന്‍ അല്ലാഹുവിനെ സ്തുതിക്കുകയും അവന്റെ വിശുദ്ധി വാഴ്ത്തുകയും അനുസ്മരണവും ഉപദേശവും നല്‍കുകയും ചെയ്ത ശേഷം ഇങ്ങനെ ആജ്ഞാപിക്കുന്നത് ഞാന്‍ കേട്ടു. 'അറിയുക, സ്ത്രീകളോട് നല്ലനിലയില്‍ വര്‍ത്തിക്കാനുള്ള നിര്‍ദേശം നിങ്ങള്‍ സ്വീകരിക്കുക. അവര്‍ നിങ്ങളുടെ ആശ്രിതരാണ്.''

(തിര്‍മിദി)

2. തിരുനബി അരുളി. 'പെണ്‍മക്കളുടെ ജനനത്താല്‍ പരീക്ഷിക്കപ്പെടുകയും എന്നിട്ട് അവരോട് നന്നായി പെരുമാറുകയും ചെയ്തവന് ആ പെണ്‍കുട്ടികള്‍ നരകാഗ്നിക്കിടയില്‍ മറയായി നില്‍ക്കും.'

3. പ്രവാചകന്‍ വിരലുകള്‍ ചേര്‍ത്തുപിടിച്ചുകൊണ്ട് പറഞ്ഞു.'പ്രായപൂര്‍ത്തിയെത്തുംവരെ രണ്ട് പെണ്‍കുട്ടികളെ പരിപാലിച്ചവനും ഞാനും അന്ത്യനാളില്‍ ഇങ്ങനെയായിരിക്കും.''

4. നബി പറഞ്ഞു.'ഏറ്റവും മഹത്തായ ധര്‍മം, അല്ലെങ്കില്‍ ഏറ്റവും മഹത്തായ ധര്‍മങ്ങളിലൊന്ന്‍ ഞാന്‍ പറഞ്ഞുതരട്ടെയോ? വിവാഹമുക്തയോ വിധവയോ ആയി നിന്റെയടുത്തേക്ക് തിരിച്ചുവരുന്ന നിന്റെ പുത്രിയാണത്. നീയല്ലാതെ മറ്റാരും അവള്‍ക്ക് ഉപജീവനം ഒരുക്കിക്കൊടുക്കാനില്ലാത്ത അവസ്ഥയില്‍.''

5. നബി പറഞ്ഞു. 'പെണ്‍കുഞ്ഞ് ജനിക്കുന്ന വീട്ടിലേക്ക് ദൈവം മാലാഖമാരെ പറഞ്ഞയക്കും. 'നിങ്ങള്‍ക്ക് ദൈവത്തിന്റെ ശാന്തി!' എന്ന് അഭിവാദ്യംചെയ്തശേഷം അവര്‍ ആ കുഞ്ഞിനെ ചിറകിലൊതുക്കി തലോടിക്കൊണ്ട് പറയും. ''അബലയായ പാവം പെണ്ണിന്റെ അബലയായ പാവം കുഞ്ഞ്. ഇതിന് സംരക്ഷണം നല്‍കുന്നവന് അന്ത്യനാള്‍വരെ ദൈവത്തിന്റെ സഹായമുണ്ടാകും. 

6. നബി അരുളുു.'തികവുറ്റ വിശ്വാസികള്‍ മികച്ച സല്‍സ്വഭാവത്തിന്റെ ഉടമകളായിരിക്കും. നിങ്ങളില്‍ ഏറ്റവും ഉത്തമര്‍ സ്ത്രീകളോട് നല്ലനിലയില്‍ വര്‍ത്തിക്കുന്നവരാണ്.''  

 

അഗതികള്‍

1. തിരുനബി അരുളി: ' വിധവയ്ക്കും അഗതിക്കും വേണ്ടി അധ്വാനിക്കുവന്‍ അല്ലാഹുവിന്റെ മാര്‍ഗത്തില്‍ പോരാടുന്നവനെപ്പോലെയാണ്.''

(സ്വഹീഹുല്‍ ബുഖാരി)

2. നബി അരുളി:. അന്ത്യദിനത്തില്‍ അല്ലാഹു പറയും.'മനുഷ്യപുത്രാ, ഞാന്‍ നിന്നോട് ഭക്ഷണം ആവശ്യപ്പെട്ടു. നീയെനിക്ക് ഭക്ഷണം നല്‍കിയില്ല.'' മനുഷ്യന്‍ പറയും. 'എന്റെ നാഥാ, ഞാന്‍ എങ്ങനെയാണ് നിനക്ക് ഭക്ഷണം തരിക, നീ സര്‍വലോക രക്ഷിതാവല്ലേ?''  അല്ലാഹു ചോദിക്കും.' എന്റെ ഇന്ന അടിമ നിന്നോട് ഭക്ഷണം ചോദിച്ചു. നീ അവന് ഭക്ഷണം നല്‍കിയില്ല. നീ അവനത് നല്‍കിയിരുന്നെങ്കില്‍ അത് നീ എന്‍റെയടുക്കല്‍ കാണുമായിരുന്നുവെന്ന് നിനക്കറിയില്ലേ.  മനുഷ്യപൂത്രാ, ഞാന്‍ നിന്നോട് കുടിക്കാന്‍ വെളളം ആവശ്യപ്പെട്ടു. നീയെനിക്ക് അത് തന്നില്ല.''  അപ്പോള്‍ മനുഷ്യന്‍ പറയും. 'എന്റെ നാഥാ, ഞാനെങ്ങനെയാണ് നി കുടിപ്പിക്കുന്നത്, നീ ലോകരക്ഷിതാവല്ലേ?' അല്ലാഹു പറയും.'എന്റെ ഇന്ന അടിമ എന്നോട് കുടിക്കാന്‍ ചോദിച്ചിരുന്നു. നീ അവന് കുടിക്കാന്‍ കൊടുത്തില്ല. അ് നീ അവനത് കൊടുത്തിരുന്നുവെങ്കില്‍ അത് എന്റെ അടുക്കല്‍ കാണുമായിരുന്നു.'' 

      (സ്വഹീഹു മുസ്‌ലിം)

3. നബി അരുളി.'വിശന്ന ജീവന് വയറു നിറയെ ആഹാരം നല്‍കുന്നതാണ് ഏറ്റവും ഉത്തമമായ ധര്‍മം.'' 

(മശ്കൂത്ത്)

4. നബി പറഞ്ഞു.'ചോദിക്കുന്നവന് ഒരു കരിഞ്ഞ ആട്ടിന്‍കുളമ്പെങ്കിലും നല്‍കി തിരിച്ചയക്കുക.''

(മശ്കൂത്ത്)

5. നബി പറഞ്ഞു.'ആളുകളുടെ വാതില്‍ക്കല്‍ ചുറ്റിക്കറങ്ങുകയും ഒന്നോ-രണ്ടോ ഉരുളകളോ ഒന്നോ-രണ്ടോ കാരക്കയോ വാങ്ങിക്കുകയും ചെയ്യുന്നവനല്ല അഗതി. മറിച്ച്, ആവശ്യത്തിനുമാത്രം ധനമില്ലാത്തവനും തങ്ങളുടെ ദാരിദ്ര്യം മറ്റുള്ളവരുടെ ശ്രദ്ധയില്‍പെട്ട്,ധര്‍മം  ലഭിക്കാത്തവനും ജനങ്ങളുടെ മുമ്പില്‍ എഴുന്നേറ്റുനിന്നു ചോദിക്കാത്തവനുമാണ് യഥാര്‍ഥ അഗതി.''

(സ്വഹീഹുല്‍ ബുഖാരി, സ്വഹീഹുമുസ്‌ലിം)

അനാഥ

1. ഒരാള്‍ തിരുനബിയോട് തന്റെ മനസ്സിന്റെ കാഠിന്യത്തെക്കുറിച്ച് ആവലാതി പറഞ്ഞു. അപ്പോള്‍ തിരുനബി പറഞ്ഞു.'അനാഥയെ (വാത്സല്യത്തോടെ) തലോടുക. അഗതിക്ക് ആഹാരം നല്‍കുകയും ചെയ്യുക.''

  (മശ്കൂത്ത് എന്ന ഹദീസ് ഗ്രന്ഥത്തില്‍ നിന്ന്)

2. നബിതിരുമേനി തന്റെ ചൂണ്ടുവിരലും നടുവിരലും വിടര്‍ത്തിക്കാണിച്ചുകൊണ്ട് പറഞ്ഞു.'ഞാനും അനാഥയെ സംരക്ഷിക്കുന്നവനും സ്വര്‍ഗത്തില്‍ ഈവിധമായിരിക്കും.''

(സ്വഹീഹുല്‍ ബുഖാരി, സ്വഹീഹുമുസ്‌ലിം)

3. തിരുനബി പറയുു. 'മുസ്‌ലിംകള്‍ക്കിടയില്‍നിന്ന് അനാഥയെ ആഹാരപാനീയങ്ങള്‍ക്ക് കൂടെക്കൂട്ടുന്നവനെ അല്ലാഹു എന്തുതന്നെയായാലും എന്നെന്നും സ്വര്‍ഗത്തില്‍ പ്രവേശിപ്പിക്കും; പൊറുക്കപ്പെടാത്ത പാപം ചെയ്യുന്നില്ലെങ്കില്‍.''

(തിര്‍മിദി)

4. നബി അരുളി.'അല്ലാഹുവേ, ദൂര്‍ബലരായ രണ്ടു വിഭാഗത്തിന്റെ അവകാശത്തെ ഞാന്‍ ആദരിക്കുന്നു; അനാഥരുടെയും സ്ത്രീയുടെയും.''

(നസാഈയുടെ ഹദീസ് ഗ്രന്ഥത്തില്‍നിന്ന്)

5. നബി അരുളി. 'മുസ്‌ലിംകളുടെ വീടുകളില്‍ വെച്ച് ഏറ്റവും ഉത്തമമായ വീട്, അവിടെ ഒരു അനാഥക്കുട്ടി ഉണ്ടായിരിക്കുകയും അവന്‍ നന്നായി പരിപാലിക്കപ്പെടുകയും ചെയ്യുന്ന വീടാണ്. മുസ്‌ലംവീടുകളില്‍ ഏറ്റവും മോശമായ വീട് അവിടെ ഒരു അനാഥക്കുട്ടിയുണ്ടായിരിക്കുകയും അവനോട് മോശമായി പെരുമാറുകയും ചെയ്യുന്ന വീടാണ്.''

(ഇബ്‌നുമാജയുടെ ഹദീസ് ശേഖരത്തില്‍നിന്ന്)

 

അയല്‍ക്കാര്‍

1. തിരുമേനി അരുളി: 'അല്ലാഹുവാണെ, അവന്‍ വിശ്വാസിയ്യല്ല. അവന്‍ വിശ്വാസിയല്ല. അവന്‍ വിശ്വാസിയല്ല.'' 'ദൈവദൂതരേ, ആരാണ് വിശ്വാസിയല്ലെന്ന് അവിടുന്ന് പറഞ്ഞത്?''  എന്ന് അനുയായികള്‍ ചോദിച്ചു. തിരുനബി പറഞ്ഞു.'ഏതൊരുവന്റെ ഉപദ്രവത്തില്‍നിന്ന് തന്റെ അയല്‍വാസി സുരക്ഷിതനാവുന്നില്ലയോ അവന്‍ തന്നെ''

(സ്വഹീഹുല്‍ ബുഖാരി, സ്വഹീഹുമുസ്‌ലിം)

2. തിരുനബി അരുളി.'അയല്‍വാസിയെക്കുറിച്ച് ജിബ്രീല്‍ മാലാഖ എന്നെ ഉപദേശിച്ചുകൊണ്ടിരുന്നു. എത്രത്തോളമെന്നാല്‍ അയല്‍വാസി തന്റെ അനന്തരാവകാശിയായേക്കുമോ എന്നെനിക്കു തോന്നി.''

(സ്വഹീഹുല്‍ ബുഖാരി, സ്വഹീഹുമുസ്‌ലിം)

3. ഇബ്‌നു അബ്ബാസ് എന്ന അനുചരന്‍ നബി പറഞ്ഞതായി ഉദ്ധരിക്കുന്നു. 'തന്റെ അയല്‍വാസി വിഷന്നവനായിരിക്കേ വയറു നിറച്ചുണ്ണുന്നവന്‍ സത്യവിശ്വാസിയല്ല.''

(മശ്കൂത്ത് എന്ന ഹദീസ് ഗ്രന്ഥത്തില്‍നി്)

4. അബൂദര്‍റ് എന്ന അനുചരനോട് തിരുനബി നിര്‍ദ്ദേശിച്ചു. 'നീ കറി പാചകം ചെയ്യുമ്പോള്‍ വെള്ളം വര്‍ധിപ്പിച്ച് നിന്റെ അയല്‍വാസിയെ കൂടി പരിഗണിക്കുക.''

(സ്വഹീഹു മുസ്‌ലിം)

5. തിരുനബി അരുളി. 'മുസ്‌ലിംസ്ത്രീകളേ, ഒരയല്‍ക്കാരിയും തന്റെ അയല്‍ക്കാരിക്ക് (പാരിതോഷികം നല്‍കുന്നത്) നിസ്സാരമായി ഗണിക്കരുത്. അത് ഒരാടിന്റെ കുളമ്പാണെങ്കിലും.''

(സ്വഹീഹുല്‍ ബുഖാരി, സ്വഹീഹുമുസ്‌ലിം) 

 

സഹിഷ്ണുത

1. തിരുനബി അരുളി: ''അമുസ്‌ലിം പ്രജകളെ ആരെങ്കിലും അടിച്ചമര്‍ത്തുകയോ അവരുടെ മേല്‍ കഴിവിനപ്പുറമുള്ള നികുതിഭാരം കെട്ടിയേല്‍പിക്കുകയോ അവരോട് ക്രൂരമായി പെരുമാറുകയോ അവരുടെ അവകാശങ്ങള്‍ ഹനിക്കുകയോ ചെയ്യുകയാണെങ്കില്‍ അവര്‍ക്കെതിരെ അന്ത്യവിധിനാളില്‍ ഞാന്‍ത പരാതി നല്‍കുന്നതാണ്.''

2. തന്‍റെ ഇഹലോകവാസം അവസാനിക്കുതിന്‍റെ തൊട്ടുമുമ്പായി നടത്തിയ ഹജ്ജിലെ പ്രസംഗത്തില്‍ (വിടവാങ്ങല്‍ പ്രഭാഷണം) തിരുനബി അരുളി: ''വര്‍ഗീയതയിലേക്ക് ക്ഷണിക്കുന്നവന്‍ നമ്മില്‍പ്പെട്ടവനല്ല. വര്‍ഗീയതക്കുവേണ്ടി പൊരുതുന്നവന്‍ നമ്മില്‍പ്പെട്ടവനല്ല. വര്‍ഗീയതയയുടെ പേരില്‍ മരിച്ചവന്‍ നമ്മില്‍പ്പെട്ടവനല്ല.''

3. അബൂ അസീസ് ഉമൈര്‍ പറയുന്നു. 'ബദര്‍ യുദ്ധത്തില്‍ മുസ്‌ലിംകളുടെ തടവുപുള്ളിയായിരുന്നു ഞാന്‍. അപ്പോള്‍ പ്രവാചകന്‍ ശിഷ്യന്മാരോട്  പറയുുണ്ടായിരുന്നു. 'തടവുപുള്ളികളോട് നിങ്ങള്‍ ഹൃദ്യമായി പെരുമാറുക.' അന്‍സാറുകളുടെ തടവിലായിരുന്നു ഞാന്‍. പ്രാതലോ അത്താഴമോ എത്തിയാല്‍ നബിയുടെ ഉപദേശം മാനിച്ച് അവര്‍ കാരക്ക തിന്ന്എ റൊട്ടി എനിക്ക് തരികയായിരുന്നു പതിവ്.''

4. നബി അരുളി: പരസ്പരം തെറ്റിദ്ധരിക്കരുത്. രഹസ്യങ്ങള്‍ കണ്ടുപിടിക്കുവാന്‍ ഗൂഢശ്രമം നടത്തരുത്. അന്യോന്യം അക്രമത്തിന് പ്രേരിപ്പിക്കരുത്. പരസ്പരം അസൂയയും വിദ്വേഷവും വെച്ചുപുലര്‍ത്തരുത്. മറ്റുള്ളരെ ആക്രമിക്കുവാന്‍ അവസരം കാത്തിരിക്കരുത്. അല്ലാഹുവിന്റെ അടിമകളേ, പരസ്പരം സഹോദരങ്ങളായി വര്‍ത്തിക്കുക.

5. നബി അരുളി: ഒരുവന്‍ അക്രമിയാണെ് അറിഞ്ഞുകൊണ്ട് അവനുമായി സഹകരിക്കരുത്.

6. നബി അരുളി: അസത്യത്തില്‍ സ്വന്തം ആളുകളെ അനുകൂലിക്കുത് ഒ'കം കിണറ്റില്‍ വീഴാന്‍പോകുമ്പോള്‍ അതിന്റെ വാലുപിടിച്ച് നിങ്ങളും അതോടൊിച്ച് കിണറ്റില്‍ വീഴുതിന് തുല്യമാണ്.

7. നബി തിരുമേനി അരുള്‍ചെയ്യുന്നു: അവിവേകം കാട്ടുന്നവനോട് വിവേകത്തോടെ പെരുമാറുക. അക്രമിച്ചവനോട് വിട്ടുവീഴ്ച ചെയ്യുക. നഷ്ടപ്പെടുത്തിയവന് നല്‍കുക. ബന്ധം മുറിച്ചവനോട് ബന്ധം ചേര്‍ക്കുക.

(ത്വബ്‌റാനിയുടെ ഹദീസ് ശേഖരത്തില്‍നിന്ന്‍)

8. ഒരു മൃതദേഹം പ്രവാചകന്‍റെ അരികിലൂടെ. അപ്പോള്‍ പ്രവാചകന്‍ എഴുേറ്റുനിന്നു. അപ്പോള്‍ അടുത്തുണ്ടായിരുന്നവര്‍ നബിയോട് അറിയിച്ചു. 'അതൊരു ജൂതന്‍റെ മൃതദേഹമാണ്.''  അതുകേട്ട തിരുനബി തിരിച്ചുചോദിച്ചു. 'അതും ഒരു മനുഷ്യനല്ലേ?'

(സ്വഹീഹുല്‍ ബുഖാരി എന്ന ഹദീസ് ശേഖരത്തില്‍നിന്ന്)

 

 

സാമൂഹികപ്രവത്തനം

1. തിരുനബി അരുളി: 'ആളുകളുമായി ഇടപഴകി ദുരിതങ്ങള്‍ സഹിച്ചുജീവിക്കുന്നവിശ്വാസിയാണ് ആളുകളില്‍നിന്ന് അകന്നു ദുരിതങ്ങളൊന്നുമില്ലാതെ സ്വസ്ഥനായി ജീവിക്കുന്ന വിശ്വാസിയേക്കാള്‍ ഉല്‍കൃഷ്ടന്‍.''

2. തിരുനബി അരുളി.'സജ്ജ്നസമ്പര്‍ക്കമുള്ളവന്‍ കസ്തൂരിവാഹകനെപ്പോലെയാണ്. അയാള്‍ നിനക്ക് ചിലപ്പോള്‍ സൗജന്യമായി കസ്തൂരി തരും. അല്ലെങ്കില്‍ നിനക്കത് അയാളില്‍നിന്ന്‍ വിലകൊടുത്തു വാങ്ങാം. അതൊന്നുമല്ലെങ്കില്‍ തന്നെനിനക്കതിന്‍റെ പരിമളം ആസ്വദിക്കുകയെങ്കിലും ചെയ്യാം. എന്നാല്‍, ദുര്‍വൃത്തരുമായി സഹവസിക്കുന്നവന്‍ കൊല്ലക്കടയില്‍ ഉല ഊതുന്നവനെപ്പോലെയാണ്. അയാള്‍ നിന്‍റെ വസ്ത്രം കരിച്ചുകളയും. അതല്ലെങ്കില്‍ നിനക്ക് ദുര്‍ഗന്ധം സഹിക്കേണ്ടി വരും.''

 

 

സമഭാവന

1. തിരുനബി അരുളി: 'ദൈവത്തിന്‍റെ കുടുംബത്തിലെ അംഗങ്ങളാണ് എല്ലാ സൃഷ്ടികളും. ആ കുടുംബത്തിലെ ഏറ്റവും ദുര്‍ബലവിഭാഗത്തോട് ഏറ്റവും നന്നായി പെരുമാറുന്നവനാണ് ദൈവത്തിന്‍റെ ഏറ്റവും അടുത്ത സ്‌നേഹഭാജനം.'' 

2 തിരുനബി അരുളി: ''മനുഷ്യന്‍ പട്ടിണി കിടക്കേണ്ടി വരുന്ന സമൂഹത്തിന്‍റെ സംരക്ഷണബാധ്യത ദൈവം കൈയൊഴിഞ്ഞിരിക്കുന്നു.''

3 തിരുനബി അരുളി: 'നിങ്ങള്‍ക്കിടയിലെ ദുര്‍ബലവിഭാഗങ്ങള്‍ ഇല്ലായിരുന്നുവെങ്കില്‍ ദൈവം നിങ്ങള്‍ക്ക് അന്നവും സഹായവും നല്‍കുമെന്നു കരുതുന്നുണ്ടോ?''

4. തിരുനബി അരുളി: '' ദരിദ്രരെ ഒഴിവാക്കി ധനികരെ മാത്രം ക്ഷണിക്കുന്ന വിരുന്നിലെ ഭക്ഷണമാണ് ഏറ്റവും വൃത്തികെട്ട ഭക്ഷണം.''

5. അബു സഈദില്‍ ഖുദരി എന്ന അനുചരന്‍ ഉദ്ധരിക്കുന്നു. തിരുനബി അരുളി: '' വാഹനം മിച്ചമുള്ളവന്‍ വാഹനമില്ലാത്തവന് നല്‍കട്ടെ. ഭക്ഷണം മിച്ചമുള്ളവന്‍ ഭക്ഷണമില്ലാത്തവന് നല്‍കട്ടെ.'' പ്രവാചകന്‍ ഇങ്ങനെ ഓരോ വസ്തുവും എണ്ണിപ്പറയാന്‍ തുടങ്ങിയപ്പോള്‍ മിച്ചമുള്ള ഒന്നിലും ഞങ്ങള്‍ക്ക് അവകാശമില്ലെന്നു തോന്നിപ്പോയി.  

6. തന്റെ ഇഹലോകവാസം അവസാനിക്കുതിന്‍റെ തൊട്ടു മുമ്പായി നടത്തിയ ഹജ്ജിലെ പ്രസംഗത്തില്‍ (വിടവാങ്ങല്‍ പ്രഭാഷണം) തിരുനബി അരുളി: ''അറബിക്ക് അറബിയല്ലാത്തവനേക്കാളോ വെളുത്തവന് കറുത്തവനേക്കാളോ യാതൊരു ശ്രേഷ്ഠതയുമില്ല. ദൈവഭക്തി ഉണ്ടെങ്കിലല്ലാതെ. നിങ്ങളെല്ലാം ആദമിന്റെ സന്തതിപരമ്പരയാണ്. ആദമാകട്ടെ മണ്ണില്‍നിന്നും. കഴിഞ്ഞകാലങ്ങളിലെ എല്ലാ വംശവിവേചനങ്ങളും ഞാനിതാ ചവിട്ടിത്തേച്ചുകളയുന്നു.'' 

7. വിടവാങ്ങല്‍ പ്രഭാഷണത്തില്‍ തിരുനബി അരുളി: ''മനുഷ്യരെല്ലാം ചീര്‍പ്പിന്‍റെ പല്ലുപോലെ സമന്മാരാണ്.''

സഹിഷ്ണുത

1. തിരുനബി അരുളി: ' അമുസ്‌ലിം പ്രജകളെ ആരെങ്കിലും അടിച്ചമര്‍ത്തുകയോ അവരുടെ മേല്‍ കഴിവിനതീതമായ നികുതിഭാരം കെട്ടിയേല്‍പിക്കുകയോ അവരോട് ക്രൂരമായി പെരുമാറുകയോ അവരുടെ അവകാശങ്ങള്‍ ഹനിക്കുകയോ ചെയ്യുകയാണെങ്കില്‍ അവര്‍ക്കെതിരെ അന്ത്യവിധിനാളില്‍ ഞാന്‍ തന്നെപരാതി നല്‍കുന്നതാണ്.''

2.തന്‍റെ ഇഹലോകവാസം അവസാനിക്കുന്നതിന്‍റെ തൊട്ടു മുമ്പായി നടത്തിയ ഹജ്ജിലെ പ്രസംഗത്തില്‍ (വിടവാങ്ങല്‍ പ്രഭാഷണം) തിരുനബി അരുളി: ''വര്‍ഗീയതയിലേക്ക് ക്ഷണിക്കുവന്‍ നമ്മില്‍പ്പെട്ടവനല്ല. വര്‍ഗീയതക്കുവേണ്ടി പൊരുതുവന്‍ നമ്മില്‍പ്പെട്ടവനല്ല. വര്‍ഗീയതയയുടെ പേരില്‍ മരിച്ചവന്‍ നമ്മില്‍പ്പെട്ടവനല്ല.''

3. അബൂ അസീസ് ഉമൈര്‍ പറയുന്നു. 'ബദര്‍ യുദ്ധത്തില്‍ മുസ്‌ലിംകളുടെ തടവുപുള്ളിയായിരുന്നു ഞാന്‍.അപ്പോള്‍ പ്രവാചകന്‍ ശിഷ്യന്മാരോട് പറയുുണ്ടായിരുന്നു. 'തടവുപുള്ളികളോട് നിങ്ങള്‍ ഹൃദ്യമായി പെരുമാറുക.' അന്‍സാറുകളുടെ തടവിലായിരുന്നു ഞാന്‍. പ്രാതലോ അത്താഴമോ എത്തിയാല്‍ നബിയുടെ ഉപദേശം മാനിച്ച് അവര്‍ കാരക്ക തിന്ന്‍ റൊട്ടി എനിക്ക് തരികയായിരുന്നു പതിവ്.''

 

മനുഷ്യാവകാശം

1. സഅ്ദുബിനു മാലിക് പറയുന്നു. തിരുനബി അരുളി: 'ദ്രോഹം പാടില്ല. ദ്രോഹത്തിന് തിരിച്ചു ദ്രോഹവും പാടില്ല.''

(ഇബ്‌നുമാജയുടെ ഹദീസ് ശേഖരത്തില്‍നിന്ന്)

2. നബി പറഞ്ഞതായി അബുദ്ദര്‍ദാഅ് എന്ന അനുചരന്‍ ഉദ്ധരിക്കുന്നു.'ഒരാള്‍ മറ്റൊരാളോട് പറയാന്‍ ഇഷ്ടപ്പെടാത്ത ഒരു രഹസ്യകാര്യം പറയേണ്ടി വന്നാല്‍, അതൊരു സൂക്ഷിപ്പുമുതലാകുന്നു. പറഞ്ഞവന്‍ അതു രഹസ്യമാക്കിവെക്കണമെന്ന് കേട്ടവനോടാവശ്യപ്പെട്ടില്ലെങ്കിലും.'


3. റസൂല്‍ പ്രസ്താവിച്ചതായി ഇബ്‌നു അബ്ബാസ് നിവേദനം ചെയ്യുന്നു.'ജനങ്ങളുടെ അവകാശവാദങ്ങള്‍ വകവെച്ചുകൊടുക്കുകയാണെങ്കില്‍ ചിലയാളുകള്‍ മറ്റു ചിലരുടെ ധനത്തിലും രക്തത്തിലുമൊക്കെ അവകാശമുന്നയിച്ചുകളയും. എന്നാല്‍, തെളിവ് ഹാജരാക്കേണ്ട ചുമതല വാദിയുടേതാണ്. സത്യം ചെയ്യേണ്ടത് വാദത്തെ നിഷേധിക്കുവനും.''

(ബൈഹഖി റിപ്പോര്‍ട്ടുചെയ്ത ഹദീസ്)

4. നബി പറഞ്ഞതായി അബൂഹുറൈറ എന്ന അനുചരന്‍ ഉദ്ധരിക്കുന്നു.'വിധി തീര്‍പ്പിന് കൈക്കൂലി കൊടുക്കുന്നവനെയും വാങ്ങുന്നവനെയും അല്ലാഹു ശപിച്ചിരിക്കുന്നു.''

5. നബി അരുളി: 'നീ നിന്റെ സഹോദരനെ സഹായിക്കുക; അവന്‍ മര്‍ദ്ദകനായാലും മര്‍ദ്ദിതനായാലും.'' അതുകേ'പ്പോള്‍ ഒരാള്‍ ചോദിച്ചു.അവന്‍ മര്‍ദ്ദിതനായിരിക്കുമ്പോള്‍ ഞാന്‍ അവനെ സഹായിക്കും. എന്നാല്‍, അവന്‍ മര്‍ദ്ദകനാവുമ്പോള്‍ എങ്ങനെയാണ് ഞാന്‍ അവനെ സഹായിക്കുക?'' തിരുനബി പറഞ്ഞു.'അക്രമം ചെയ്യുതില്‍നിന്നും നീ അവനെ തടയുക. അതാണ് നീ അവന് ചെയ്യുന്ന സഹായം.''

(സ്വഹീഹുല്‍ ബുഖാരി, സ്വഹീഹു മുസ്‌ലിം എന്ന ഹദീസ് ഗ്രന്ഥങ്ങളിലുള്ളത്.) 

.6. തിരുനബി അരുളി ''തങ്ങളുടെ രക്തം, ധനം എന്നിവയുടെ കാര്യത്തില്‍ ജനങ്ങള്‍ ആരില്‍നിന്ന് സുരക്ഷിതനാണോ അവനാണ് മുസ്‌ലിം.''

7. നബി അരുളി 'മുസ്‌ലിം മുസ്‌ലിമിന്റെ സഹോദരനാകുന്നു. ആ സഹോദരനെ അയാള്‍ വഞ്ചിക്കുകയില്ല. അവനോട് കളവു പറയുകയില്ല. അവനെ നിസ്സഹായനായി വിടുകയില്ല. മുസ്‌ലിമിന്റെ സര്‍വവും മുസ്‌ലിമിന് ആദരണീയമാണ്. അവന്റെ അഭിമാനവും ധനവും രക്തവും. ദൈവഭക്തി (ഹൃദയത്തിലേക്ക് ചൂണ്ടിക്കൊണ്ട്)  ഇവിടെയാണ്. തന്റെ മുസ്‌ലിം സഹോദരനെ നിന്ദിക്കുന്നതുതന്നെ മതി ഒരാള്‍ക്ക് നാശത്തിലകപ്പെടാന്‍.'' 

(തിര്‍മിദിയുടെ ഹദീസ് ശേഖരത്തില്‍നിന്ന്‍)

8. തിരുനബി അരുളി: ''ദുര്‍ബലവിഭാഗങ്ങളുടെ അവകാശം നിഷേധിക്കുന്ന ഒരു ജനതയ്ക്കും ദൈവം വിശുദ്ധി നല്‍കുകയില്ല.''

9. നബി അരുളി.'മൂന്നു വസ്തുക്കളില്‍ ജനം കൂട്ടാവകാശികളായിരിക്കും. വെള്ളം, പുല്ല്, തീ.''